Gamit ng Pangngalan Worksheet

Ang pangngalan ay bahagi ng pananalitang tumutukoy sa ngalan ng mga tao, bagay, hayop, lugar at pangyayari. Tinatawag itong noun sa wikang ingles.

May anim na gamit ang pangngalan. Ito ay ang simuno, kaganapang pansimuno, pantawag, pamuno, layon ng pang-ukol at layon ng pandiwa  o tuwirang layon.

Gamit ng Pangngalan

1. Simuno o paksa

    

    Ito ang pangngalang pinag-uusapan sa pangungusap.

    Mga halimbawa: 

      

                                        Si Molly ay namili ng mga damit sa SM.

                             Sina Maria at Helen ay sumasayaw.

                             Malakas ang lindol na naranasan sa bansang Haiti.

                             Ang mga bulaklak sa hardin ay namukadkad na.

                             Naglalaro ng bola ang aso.

2. Kaganapang Pansimuno

    Ang pangngalang nasa simuno at isa pang pangngalang tinutukoy na nasa 

panaguri ay iisa lamang. Makikilala ang ito pagkatapos ng panandang "ay" sa di-karaniwang pangungusap. Nasa unahan naman ito makikita sa karaniwang ayos ng pangungusap.

Mga halimbawa:

                             Ang mga bulaklak na binili ko ay mga rosas.

                                            (simuno)                         (kaganapang pansimuno)

                                   Sina Ken at Jose ay mga manlalaro ng football.

                                    (simuno)             (kaganapang pansimuno)

                                    Ang planetang tinitirhan natin ay ang mundo.
                                     (simuno)                                 (kaganapang pansimuno)

                                   "Ibong Adarna" ang paborito kong kwento.

                            (kaganapang pansimuno)                            (simuno)  

                            Adobong manok ang ulam namin kaninang tanghalian.                                     (kaganapang pansimuno)     (simuno)    

            

3.   Pantawag

      Ito ay ang pangngalang tinatawag o sinasambit sa pangungusap.

 Mga halimbawa:

                            Jessica, bilisan mong kumilos.

                            Tatay, nakauwi na po ako.

                            Kailan ka mamamasyal sa probinsiya, Lisa?

                            Bata, ikaw ay kahanga-hanga.

                            Inay, ikaw ay dakila.

4. Pamuno

    

    Ang simuno at ang isa pang pangngalang nasa bahagi ng paksa ay iisa lamang. Pinaghihiwalay ito ng kuwit.

                    Si Henry , ang mag-aaral ay gumagawa ng takdang aralin.

                       (simuno)          (pamuno)

                        Ang Baitang Sampu, ang klaseng naatasang sasayaw 

                    ay puspusan ang pagsasanay.

                    Ang Dagupan, ang "Bangus Capital ng Pilipinas" ay nagsagawa 

                    ng pista noong Abril.

5. Layon ng Pang-ukol

    Ito ang pangngalang pinaglalaanan ng kilos. Matatagpuan ito pagkatapos ng isang pang-ukol ( Mga halimbawa ng pang-ukol: para sa, tungkol sa, para kay, tungkol kay,  ayon sa, ayon kay atbp.)

                    Ang DENR ay nagbigay ng mga punla sa mga komunidad.

                    Para sa mga bata ang tsokolateng binili ko.

                    Ang paksa ay tungkol kay Jose Rizal.

                    Ayon sa balita, darating sa ating bansa ang pangulo ng Amerika.

                    Ang pagnanakaw ay labag sa batas.

6. Layon ng Pandiwa o Tuwirang Layon

    Ito ang pangngalang tumatanggap ng kilos. 

    Ito ay kasunod lamang ng isang pandiwa.

Mga halimbawa: 

                      Nag-uwi ng mais si tatay kahapon.

                     (pandiwa)   (pangngalan na ginamit bilang tuwirang layon)

                          Nakahuhuli ng isda ang mga tao sa lawa.

                     Ang DENR ay nagbigay ng mga punla sa mga komunidad.

                     Ang mga tao ay naglinis ng Ilog Pasig.

                      Huminga ng sariwang hangin ang mga bata.

FREE worksheet: Gamit ng Pangngalan