Mga Uri ng Pandiwa: Palipat at Katawanin

Pandiwang Palipat at Katawanin: Kahulugan at Mga Halimbawa

Sa pag-aaral ng wikang Filipino, mahalaga ang pagkilala sa mga uri ng pandiwa. Dalawa sa mga pangunahing uri nito ay ang Pandiwang Palipat at Pandiwang Katawanin. Ang pagkakaibang ito ay batay sa kung kailangan ba ng tuwirang layon ang pandiwa upang magkaroon ng ganap na kahulugan.

Ano ang Pandiwa?

Ang pandiwa ay bahagi ng pananalita na nagsasaad ng kilos, gawa, o galaw. Maaari itong maging palipat o katawanin depende sa estruktura ng pangungusap.

Pandiwang Palipat

Ang pandiwang palipat ay pandiwang nangangailangan ng tuwirang layon upang mabuo ang kahulugan ng pangungusap. Ibig sabihin, mayroong layong tumatanggap ng kilos na kadalasang ginagamit kasunod ng pandiwa. Ang layon ay maaaring pangngalan o panghalip. Ang pandiwang palipat ay sumasagot din sa tanong na "Ano?"

Mga Halimbawa ng Pandiwang Palipat:

1. Bumili si Ana ng prutas.

   Ang salitang prutas ang layon na tumanggap ng kilos ng pandiwang bumili.

2. Sumulat siya ng liham.

   Ang liham ang layon ng pandiwang sumulat.

3. Ininom ni Carla ang gatas.

   Ang gatas ang tuwirang layon ng kilos na ininom.

    

💡 Pahiwatig ng Palipat:

       > Kadalasang may salitang ng, sa, kay, ni, o ng mga bago ang layon.

       > Pandiwa + Layon = Kumpletong kahulugan                                                                                                                                             

Pandiwang Katawanin

Ang pandiwang katawanin ay pandiwang hindi nangangailangan ng tuwirang layon upang magkaroon ng ganap na kahulugan. Kumpleto na ang kahulugan ng pangungusap kahit walang tinutukoy na layon. Nakatatayo ito ng mag-isa.

• Mga Halimbawa ng Pandiwang Katawanin:

  1. Lumipad ang ibon.

     Wala itong layon, pero buo na ang kahulugan.

  2. Umuulan buong araw.

     Walang layon na tumanggap ng kilos, ngunit malinaw ang diwa.

  3. Tumawa si Maria.

     Walang tuwirang layon, pero kumpleto ang pangungusap.

      

     💡 Pahiwatig ng Katawanin:

• Hindi kailangan ng layon pagkatapos ng pandiwa.

• Ang pokus ay nasa mismong aksyon o aktor.

Konklusyon

Ang pagkakaintindi sa pandiwang palipat at katawanin ay mahalaga upang maging mas malinaw at epektibo ang paggamit ng pandiwa sa pangungusap. Tandaan, kung ang pandiwa ay may tumatanggap ng kilos, ito ay palipat. Kung wala naman at buo na ang diwa, ito ay katawanin.

Narito ang iyong free worksheets na maaari mong i-download at pagsanayan.

Mga Uri ng Pandiwa: Pandiwang Palipat at Katawanin_Free worksheets